Филиза СӘЛАХОВА. автор яңалыклары

11 декабрь 2019
Игелек марафонына – 20 ел

Моннан 20 ел элек Актанышыбызга, яшәешебезгә Игелек марафоны дигән төшенчә килеп кергән иде. Бик мәгънәле, бәрәкәтле һәм игелекле чара булып чыкты ул. Шушы ике дистә ел дәверендә изге күңелле, шәфкатьле райондашларыбыз ярдәме белән тупланган финанс мөмкинлекләре күпме авыруның хәлен җиңеләйтергә, авыр хәлдән саклап калырга булышкандыр. Әйтүе кыен, аны исәпләргә тырышу да кирәкмидер. Яхшылыкны эшлә дә, суга сал, дигән бит халкыбыз.
10 декабрь 2019
Көч сынашу – аралашу чарасы

Инвалидлар ункөнлеге кысаларында район күләмендә зур гына спартакиада үткәрелде. Җәмгысы 25 команда, 131 спортчы көч сынашты. Өстәл теннисы, шахмат, шашка, дартс, кул көрәше, йөзү, аркан тартышу буенча уздырылган ярышлар иң-иңнәрне ачыкласа да, бу чараның төп әһәмияте бөтенләй башкача иде. Аның бар кыйммәте – аралашуда, җанга рәхәтлек алуда, күңелләрне ял иттерүдә. Бу көнне биредә “Өченче буын” вәкилләренә ГТО нормативларын тапшыру мөмкинлеге дә тудырылган.
09 декабрь 2019
Тугыз дистәсен түгәрәкләде

Күҗәкә авылында гомер кичерүче Мөзәккирә Гәрәевага 2 декабрьдә 90 яшь тулды.
06 декабрь 2019
Мөселманча җирләү ничек башкарыла?

Кешене соңгы юлга озату йоласы татар халкында элек-электән сакланып килә. Динсезлек чорында үскән буын да онытмаска тырышты аны. Алар да олыгайды. Өлкәннәребез дингә соңлабрак, әмма ихластан килә, һәм бар нечкәлекләрен дә белергә омтыла. Вәгазь кичәләре дини гыйлем таратуда – иң үтемле чараларның берсе. Актаныш Җәмигъ мәчетендә ул даими уздырыла. Чираттагысы кешене соңгы юлга озату хакында булды.
06 декабрь 2019
Әфтах бабайга оныгы телевизор бүләк итте

Ноябрь ае алар өчен истәлекле вакыйгаларга бай. ӘФТАХ ГАБИДУЛЛИНга бишесендә 90 яшь тулды, хатыны РӘКЫЙГА апа белән бергә яшәүләренә дә шушы айда 64 ел тулып, 65 нче ел китте. Әфтах абый – Рәкыйга апаны, Рәкыйга апа Әфтах абыйны мактый. Бер-берсе белән табыштырган, кавыштырган Аллаһы Тәгаләгә рәхмәтләр укыйлар.
06 декабрь 2019
Гап-гади камырдан күз явын алырлык картина

Авылларда төзелгән яңа җәмәгать үзәкләрендә өлкән яшьтәге ханымнар өчен кызыклы шөгыльләр табылып кына тора. Түкенең актив өлкәннәре – оста куллар түгәрәге әгъзалары Әнәк, Пучы һәм Әтәстән килгән кунакларга мастер-класс оештырдылар. Иң башта чәкчәк, ансамбль чыгышлары белән бик күңелле итеп каршы алдылар. Барысы да милли киемнәрдән иде.
05 декабрь 2019
Каз өмәсе кайта авылга

Киров авылында каз өмәсе гөрли
04 декабрь 2019
Күңел халәте яшьлек елларыннан аерылгысыз.

Актаныш район хәрби комиссариатында 22 ел хезмәт итеп, шуннан отставкага чыккан, тыныч холыклы, сабыр, әмма патриотик рухта яшәүче райондашыбыз ФӘНИС ХӘМИТ улы МӘХМҮТОВ бүген 80 яшьлек гомер бәйрәмен каршылый. Аны таныйлар, хөрмәт итәләр, хәлләрен белешеп торалар. Чөнки ул, хәрби хезмәткә алынган егетләрне үзе дә онытмый, исемнәре белән үк хәтерләмәсә дә, үз егетләрен күз карашларыннан, якын итеп сәлам бирүләреннән таный.
03 декабрь 2019
Үзмәшгульлек өметләрне аклармы?

Актаныш районы башкарма комитеты җитәкчесенең икътисад буенча урынбасары Лиана Сираева – районда теркәлгән үзмәшгульләр белән алып барылган эшчәнлекнең торышы, ә Татарстан Республикасы Эшкуарлыкка ярдәм итү фондының райондагы төбәк вәкиле Алмаз Нурлыев аларны яклау, дәүләт тарафыннан тудырылган һәм тудырылачак мөмкинлекләр турында брифингта сөйләп таныштырдылар. 3 декабрьдә булып үткән әлеге пресс-конференция Лиана Рамил кызы җитәкчелегендә узды.
02 декабрь 2019
Сугышта да, тыныч тормышта да кешеләргә гомер бүләк иткән

Күҗәкәдә яшәүче сугыш ветераны Нурфика Абдуллина гомеренең 95 нче кышын каршылады.
29 ноябрь 2019
Мөслимәләр – дин юлында

Һиҗри календарь буенча рабигуль-әүвәл ае – пәйгамбәребезнең (с.г.в.) туган ае. Җәмигъ мәчетендә районыбыз мөхтәсибәте мөслимәләре өчен Мәүлид бәйрәме уздырылды. Бу кичә Аллаһның иң яраткан илчесе Мөхәммәд (с.г.в.) туган көн белән бәйле. Чараны Актанышның Бүләк мәчете мөгаллимәләре һәм шәкертләре әзерләгән.
29 ноябрь 2019
Зифа Кадырова: “Очрашулардан илһамланып кайтам”

Әтәс авылында популяр китаплар авторы Зифа Кадырова белән очрашу уздырылды. Җәмәгать үзәгендә китапханәче Мәүҗидә Гарипова тарафыннан оештырылган чарага районның төрле авылларыннан килгәннәр. Китапханәчеләргә, мәдәният хезмәткәрләренә яңа иҗади дәрт өстәгәндер ул. Күңелләр җылы кичерешләргә күмелде.
28 ноябрь 2019
Бәхет – аналарның аяк астында.

Әлфия Авзалова исемендәге мәдәният йортында Әниләр көне уңаеннан бәйрәм концерты булды.
24 ноябрь 2019
Актанышта бүген референдум үтә

24 ноябрь көнне Актаныш авыл җирлегендә үзара салым кертеме буенча референдум үтә.
22 ноябрь 2019
АВЫЛЛАР ҖЫЕН УЗДЫРА, Ә АКТАНЫШТА - РЕФЕРЕНДУМ

24 ноябрьдә Актаныш авылында үзара салым җыюга кагылышлы референдум уздырыла. 26 авыл җирлегенең 25ендә әлеге мәсьәлә авыл җыеннарында карала. Бу – быелгы төп яңалык. Әлеге җыеннар халык белән аралашу, аның фикерен белү, җирлекләрдә хәл итәсе мәсьәләләрне ачыклау өчен дә әһәмиятле. Ә халык саны 3 меңнән артык булган Актанышта исә референдум көтелә.

❮ Назад Далее ❯