Күңел халәте яшьлек елларыннан аерылгысыз.
Актаныш район хәрби комиссариатында 22 ел хезмәт итеп, шуннан отставкага чыккан, тыныч холыклы, сабыр, әмма патриотик рухта яшәүче райондашыбыз ФӘНИС ХӘМИТ улы МӘХМҮТОВ бүген 80 яшьлек гомер бәйрәмен каршылый. Аны таныйлар, хөрмәт итәләр, хәлләрен белешеп торалар. Чөнки ул, хәрби хезмәткә алынган егетләрне үзе дә онытмый, исемнәре белән үк хәтерләмәсә дә, үз егетләрен күз карашларыннан, якын итеп сәлам бирүләреннән таный.
