Хәйрияче Ирек САЛИХОВ: «Башкаларга шатлык бүләк итә алу — зур бәхет»
Йөрәк эше. Сөйләшеп утырганда Ирек Салихов бу сүзләрне берничә тапкыр кабатлады. Бик тирән мәгънәгә ия шушы ике сүз, яшәү рәвеше булгангадыр, аның авызыннан гади генә, пафоссыз яңгырый. Инде биш елдан артык ул гамәлгә куйган «БлагоДарение» хәйрия фонды республиканың көньяк-көнчыгышында зур эшләр башкара. Аларның гамәлләре – кайберәүләр өчен сүнеп барган өметнең кабынуы ул. Татарстанның Дәүләт Советы депутаты, «Ел хәйриячесе» республика премияләре лауреаты Ирек САЛИХОВ белән без киң күңеллелек турында сөйләштек.
