Укытучы һәм остазлар елы: Мәктәп директорлары аксакаллар белән киңәште (фотолар)
Август конференциясе алдыннан район мәктәпләре директорлары Чуракай төп белем бирү мәктәбенә җыелды. 2023 нче ел педагоглар өчен аеруча истәлекле. Чөнки бу ел «Укытучы һәм остазлар елы» дип игълан ителде. Бүгенге эшлекле сөйләшүгә мәктәп директорлары үзләренең остазларын да алып килгән иде. Озак еллар мәктәпләр белән җитәкчелек иткән аксакал-директорлар чарада катнашып тәҗрибәләре белән уртаклашты, коллегаларына киңәш-тәкъдимнәрен җиткерде.
