Актанышта беренче ачык фестиваль- Карга туйга җыя!
Актаныш районы үзенчәлекле милли гореф-гадәтләргә бай төбәк. Ата-бабаларыбыздан килгән гореф-гадәтләр, йолаларны хәзерге телефон гаджетларына багынган балаларыбызга тапшыру өчен шактый уйланырга, заманча форматта җиткерә белү үзеннән-үзе көн кадагына баса. «Карга туйга җыя» I район ачык фестивале дә әнә шул һәм башка мөһим максатларны күздә тотып оештырыла. Фестивальдә барлык оешма-предприятие, белем бирү учреждениеләре катнаша. Бүген командалар зур әзерлек эшләре алып бара.
