Иҗтимагый оешмаларда рубрикасы буенча яңалыклар

• 20 октябрь 2025

  Мохтаҗларны кайгыртып: Инвалидлар оешмасы ярдәме белән Шәрип авылындагы гаилә сулы булды

  Шәрип авылында яшәүче Харисовлар йортына бу көннәрдә су керттеләр. Харисовлар әниле -уллы бик каты авырыйлар. 67 яшьлек Әлфия Харисова 30 яшеннән аяклары сызлап интегә. Ә улы Расихка моннан ике ел элек инвалидлык биргәннәр, «Строитель» төзелеш оешмасында эшләгәндә йөк машнасыннан бетон җирлеккә барып төшә, бик каты башы бәрелә. Бергә эшләгән иптәшләре арасында аны үлгән дип уйлаучылар да була. Әмма Расих авыртынса да, эшләргә тырыша. Авыру көчлерәк булып чыга, 7 ел элекке авариянең нәтиҗәсе акрынлап үзен күрсәтә башлый. Ир- егетнең башына зыян килә, авыру тора-бара көчәя. Хәзер Расихны бер минутка да күздән ычкындырырга ярамый. Әлфия апаның кече улы Рәмис эштән китәргә мәҗбүр, авыру абыйсы белән әнисен карый. Өйләренә су кермәгән, йорт иске, кышын салкын, лапас та җимерек. Харисовлар, су кертүдә ярдәм сорап, Актаныш районы инвалидлар җәмгыятенә мөрәҗәгать итәләр. Җитәкче Фәйрүзә Разетдинова аларның мөрәҗәгатен игътибар белән тыңлый. Иганәчеләр таба, су кертү оешмасы белән сөйләшә, аларның эш барышына контрольлек итеп, Харисовлар йортына су кертүгә иреште.

  
• 11 октябрь 2025

  Актанышның инвалидлар җәмгыяте спортчылары ярышларда җиңү яулый

  Актаныш районы инвалидлар җәмгыятенең шахмат-шашка осталары Түбән Кама шәһәрендә сәламәтлек мөмкинлекләре чикләнгән спортчылар арасында узучы ярышта катнаша. Республиканың барлык шәһәр, районнарыннан килгән вәкилләр җиңү өчен көч сынаша.

  
• 10 октябрь 2025

  Актанышлылар Түбән Кама шәһәрендә сәламәтлек мөмкинлекләре чикләнгән спортчылар арасында узучы шахмат-шашка ярышларында катнаша

  Бүген Түбән Кама шәһәрендә сәламәтлек мөмкинлекләре чикләнгән спортчылар арасында шахмат-шашка ярышлары башланып китте. Анда безнең Актаныш районы инвалидлар оешмасының җыелма командасы да катнаша. бу хакта безгә җәмгыять җитәкчесе Фәйрүзә Разетдинова хәбәр итте.

  
• 09 октябрь 2025

  Өлкәннәр генә димәгез!

  Бүген Актанышның «Батыр» спорткомплексында спорт бәйрәме- өлкәннәр өчен спартакиада уза. Районыбызның барлык авыл җирлекләреннән олы яшьтәге абый-апалар әлеге чарага бик нык әзерләнеп, күнекмәләр ясап ярышларга килгәннәр.

  
• 06 октябрь 2025

  Актанышта Өлкәннәр ункөнлегендә игелекле очрашулар дәвам итә

  Актаныш районы инвалидлар оешмасы җитәкчесе Фәйрүзә Разетдинова Өлкәннәр декадасы кысаларында авыл җирлекләрендәге башлангыч инвалидлар берлеге җитәкчеләре янына барды.

  
• 01 октябрь 2025

  Бәйрәмегез котлы булсын, хөрмәтле өлкәннәр!

  Бүген, 1 октябрьдә Актанышта Халыкара өлкәннәр көненә старт бирелде.

  
• 13 сентябрь 2025

  Актаныш районы инвалидлар җәмгыяте командасы республика йөзү ярышында 1 урынны яулады

  6 сентябрьдә Казанда Идел буе дәүләт физик культура, спорт һәм туризм университетының Су спорт төрләре сараенда сәламәтлек мөмкинлекләре чикләнгәннәрнең йөзү ярышында Актаныш районы инвалидлар җәмгыяте командасы 1 урынны яулады.

  
• 08 сентябрь 2025

  Мөмкинлекләре чикләнгән йөзүчеләребез Казаннан алтын һәм көмеш медальләр белән кайтты

  6 сентябрьдә Казанда Идел буе дәүләт физик культура, спорт һәм туризм университетының Су спорт төрләре сараенда сәламәтлек мөмкинлекләре чикләнгәннәрнең йөзү ярышы булды. Әлеге спорт чарасында Актаныш районы инвалидлар оешмасы да катнашты. 6 райондашыбыздан торган команда зур уңышлар белән кайтты.

  
• 29 июль 2025

  Язмышларны була үзгәртеп!

  Актаныш районы инвалидлар оешмасы җитәкчесе Фәйрүзә Разетдинова бәхетсезләрне бәхетле итүче изге җаннарның берсе. Язмыш тарафыннан кыерсытылган күпме райондашларыбыз бүген аңа рәхмәт сүзләре әйтә, аларны санаганы гына юк. Бүген без шундыйларның берсе белән таныштырабыз. Тормыш чоңгылында калган 51 яшьлек ир-егетнең язмышы чын мәгънәсендә борылыш алган.

  
• 11 июль 2025

  Яңа Әлем өлкәннәре күрше авылга велосәяхәткә барды

  Җәйнең аяз, матур көннәрендә велосипедта җилдерү балаларга гына түгел, өлкәннәргә дә аерым бер рәхәтлек бирә. Яңа Әлем ветераннары, балачактагыча, ике тәгәрмәчле дусларын иярләде. Күрше Иске Әлем авылына велосәяхәт кылдылар.

  
• 24 июнь 2025

  Актанышның сәламәтлек мөмкинлекләре чикле спортчылары республика ярышында уңышлы чыгыш ясады

  Узган шимбәдә, 21 июнь көнне Азнакай шәһәренең спорт мәйданчыгы спортта зур уңышларга ирешү ноктасына әйләнде. Биредә мөмкинлекләре чикләнгән кешеләр арасында җиңел атлетика, ядрә ыргыту, озынлыкка сикерү буенча республика ярышлары узды, анда Татарстанның башка шәһәр һәм районнарыннан, шул исәптән безнең Актаныш районы командасы да катнашты.

  
• 05 март 2025

  Актанышның спортчы инвалидлары республикакүләм голбол ярышында икенче урын алды

  Гадәттәгечә, ел башыннан сәламәтлек мөмкинлеге чикләнгән спорт сөючеләр өчен республика ярышлары башланды. Актаныш инвалидлар җәмгыяте алдагы ике спорт бәйгесендә билгеле бер сәбәпләр аркасында катнаша алмаган иде, әмма Әлмәттә узган турнирда безнең команда лаеклы нәтиҗәләр күрсәтеп, 2 нче призлы урынны яулады.

  
• 26 декабрь 2024

  Актаныш районы ветераннарының Яңа ел бәйрәме узды

  Бүген аскы Актаныштагы ветераннар йортында Яңа ел бәйрәме узды, анда районның актив ветераннары һәм авыл җирлекләренең ветераннар советы җитәкчеләре катнашты.

  
• 08 декабрь 2024

  Инвалидлар декадасы: Иске Байсарда спартакиада узачак

  Иске Байсар җирлегендә 75 инвалид яши. Сигезе I төркем, балачактан инвалидлар өчәү, калганнары II һәм III төркем мөмкинлекләре чикләнгән кешеләр. 9 декабрь көнне җирлектә алар өчен спарткакиада узачак. Бу хакта инвалидларның җирле бүлекчәсе җитәкчесе Нурзидә Фәррахова хәбәр итте.

  
• 07 декабрь 2024

  Сезнең яшәү үзе батырлык!

  «Сезнең яшәү үзе батырлык»- Иске Сәфәр мәдәният йортында Сәфәр һәм Киров авыл җирлекләрендә яшәүче мөмкинлекләре чикләнгән авылдашлар өчен әнә шундый исемдәге очрашу кичәсе узды.