Милләтебезнең йөзек кашы - татар көрәше! рубрикасы буенча яңалыклар

12 октябрь 2026
Актаныш көрәшчеләре Минзәләдә призлы урыннар яулады

Яшь спортчылар шәхси беренчелектә дә, команда ярышларында да уңышлы чыгыш ясады.
28 сентябрь 2026
Кубок өчен көрәш мәйданында 500гә якын яшь батыр көч сынашты

Актанышта якташыбыз, Татарстанның беренче Президенты, Дәүләт Киңәшчесе Минтимер Шәрип улы Шәймиев Кубогына багышланган зур көрәш турниры узды.
25 сентябрь 2026
Актанышта Минтимер Шәймиев кубогына көрәш бәйгесе уза

Турнирда катнашу өчен Татарстанның төрле районнарыннан һәм күрше төбәкләрдән 500гә якын яшь көрәшче җыелды.
23 сентябрь 2026
Актанышта милли көрәш буенча төбәкара турнир узачак

24–26 сентябрь көннәрендә Актаныш авылының «Батыр» спорт комплексында Татарстан Республикасының беренче Президенты, ТР Дәүләт Киңәшчесе Минтимер Шәймиев Кубогына милли көрәш буенча егетләр арасында XXVII төбәкара турнир узачак.
03 июль 2026
Абхазия Сабантуеның абсолют батыры – Азат Габдрәшитов!

Абхазия Республикасының Сухум шәһәрендә узган Сабантуйда татар халкының милли көрәше – көрәш ярышлары зур кызыксыну уятты. Абсолют батыр исеменә Татарстан Республикасы спортчысы, Актаныш районы егете Азат Гадрашитов лаек булды. Ул көчле көндәшләрен җиңеп, Сабантуйның иң дәрәҗәле бүләгенә ия булды.
22 июнь 2026
Райондашыбыз Казан Сабан туенда 2 урын алды

Казанның Совет районында узган Сабантуй бәйрәменең көрәш ярышларында 60 кг авырлык категориясендә Әтәс авылы егете Насыйров Нияз 2 нче урынны яулады!
15 июнь 2026
Чаллы мәйданында Актаныш дәрәҗәсе: якташыбыз Азат Габдрәшитов икенче ел рәттән абсолют батыр калды

Яр Чаллы шәһәрендә узган Сабантуй–2026 милли бәйрәме актанышлылар өчен аеруча зур сөенеч һәм горурлык хисләре уятты. Якташыбыз, Актаныш районының Татар Суыксуы авылында туып-үскән танылган көрәшче Азат Габдрәшитов, мәйданның иң дәрәҗәле титулын яулап, икенче ел рәттән бәйрәмнең абсолют батыры исеменә лаек булды.
06 июнь 2026
Татарча көрәш- Сабан туеның иң асыл бизәге!

Милли көрәш элек-электән Сабан туеның аерылгысыз өлеше, бәйрәмнең күрке булган.
15 май 2026
Көрәшчеләр Габдулла Тукайның 140 еллыгына багышлап көч сынашты

14 май көнне халкыбызның бөек шагыйре Габдулла Тукайның тууына 140 ел тулу уңаеннан Пучы балалар иҗат үзәгенең татарча көрәш буенча районара ачык беренчелеге уздырылды. Ярышта 10 командадан барлыгы 61 яшь көрәшче катнашты.
12 май 2026
Теләчедәге яшь көрәшчеләр бәйгесеннән Пучының Нур Баян командасы зур җиңүләр белән кайтты

9, 10 май көннәрендә Теләче районында 2009 елда туган һәм аннан да яшьрәк яшүсмерләр арасында Татарстан һәм Башкортстан Республикасы халык артисты, Россиянең атказанган артисты, Муса Җәлил һәм Габдулла Тукай премияләре лауреаты, Россия балалар фондының Татарстан бүлеге җитәкчесе Салават Фәтхетдинов призына багышланган IX ачык республика турниры узды. Ярышта Пучы балалар иҗат үзәгенең “Нур Баян” командасы көрәшчеләре югары нәтиҗәләргә иреште. Алар район данын лаеклы яклап, призлы урыннар яуладылар
16 апрель 2026
Актанышта көрәш рухы: 100 яшь спортчы район башлыгы кубогы өчен келәмгә чыкты

Актаныш районында татарча көрәш буенча район башлыгы призына багышланган традицион ярышлар узды. Быелгы бәйге аеруча киң колачлы: келәмгә район мәктәпләреннән җыелган 100 яшүсмер егет чыкты. Барлыгы 17 мәктәп командасы көч сынаша.
16 апрель 2026
Актанышта район башлыгы кубогына көрәш ярышлары башланды

Бүген «Батыр» спорткомплексында Актаныш районы башлыгы призына татарча көрәш ярышлары уза. Бу күркәм чарага 1998 елда нигез салынган иде, һәм шуннан бирле ул бер ел да өзелмичә дәвам итә. Елдан-ел камилләшә барган әлеге бәйге бүген инде районның иң әһәмиятле спорт вакыйгаларының берсенә әверелде.
14 апрель 2026
Милли көрәш – аның язмышы

Спортчы-остаз
14 апрель 2026
Мөслимдә көрәшчеләребез хуҗаларны гына алга чыгарды

Мөслим районы Ташлыяр авылы мәдәният йортында махсус хәрби операциядә батырларча һәлак булган якташларыбыз — Илмир Монасыйпов һәм Айдар Зиннуров истәлегенә багышланган яшүсмерләр арасында татар милли көрәше буенча районара турнир узды.
05 апрель 2026
Пучы көрәшчеләре булдыра!

3 апрель көнне Сарман авылында СССРның спорт мастеры Гәрәев Хаҗип Хаҗи улы истәлегенә республикакүләм көрәш ярышы булып узды. Әлеге ярышта Пучы балалар иҗат үзәгенең «Нур Баян» командасы көрәшчеләре призлы урыннарга ирештеләр.

Язылыгыз