Актаныш районы авылларында «Лето в Татарстане» акциясе кысаларында җәйге бәйрәмнәр дәвам итә. Кәзкәй авылы мәдәният йорты хезмәткәрләре тарафыннан «Ничек яшисең, күршем?» дип исемләнгән авыл бәйрәме оештырылды.
Җылы һәм күңелле чара авыл халкын бер мәйданга җыеп, күршеләр белән аралашу, бергәләп ял итү һәм туган якка мәхәббәтне ныгыту өчен матур мөмкинлек булды.
Бәйрәм барышында җыр-биюләр, төрле кызыклы уеннар һәм күңел ачу чаралары оештырылды. Авыл халкы һәм кунаклар күтәренке кәеф белән катнашып, бәйрәм мохитенең ямен арттырды.
Мондый чаралар авылның бердәмлеген ныгыта, буыннар арасындагы бәйләнешне сакларга һәм милли-мәдәни традицияләрне дәвам итәргә ярдәм итә.
Нет комментариев