Ноябрь ахыры сюрпризлары белән кинәндерә, узган атнада 6 градус җылы көннәре белән истә калса, бу атнада чын-чынлап салкын һава торышы көтелә.
Көнчыгыш Кама алды һәм Кама аръягы районнары- Алабуга, Менделеевск, Әгерҗе,
Түбән Кама, Зәй, Сарман, Минзәлә, Мөслим, Актаныш, Әлмәт, Азнакай, Лениногорск, Бөгелмә, Ютазы, Баулы, Тукай муниципаль районнары һәм Чаллы шәһәр округында бүген 26 ноябрьдә алмашынучан болытлы һава торышы хакимлек итәчәк. Явым-төшем көтелми. Төнлә һәм иртән урыны белән томан. Җил төньяк-көнчыгыштан, көньяк-көнчыгышка таба секундына 4-9 метр тизлектә исә. Төнлә һаваның минималь температурасы -5..-8 градус. Көндез максималь температура -2..-4 градус.
Синоптиклар Актанышта атна уртасында төнлә белән 10 градус салкын булачагын фаразлыйлар. Төнлә һәм иртән юлларда урыны белән бозлавык. Игътибарлы һәм сак булыгыз!
Нет комментариев