Татарстанда авыллар һәм бистәләрдә яшәүче яшь әниләргә бер тапкыр түләү күләмен икеләтә арттырмакчылар.
Министрлар Кабинеты бу җәһәттән әзерләгән карар проекты коррупциягә каршы тикшерү уза. Документтан күренгәнчә, республикада ике категориядәге хатынкызларга түләүне арттырырга ниятлиләр.
Моңа кадәр авыл җирлегендә кимендә 3 ел яшәгән 25 яшькә кадәрге яшь ханымнар беренче баласы туганда 50 мең сум күләмендә акча алса, киләчәктә бу сумма 100 мең сумны тәшкил итәчәк.
Ә яше 29 дан артмаган хатын-кызларга өченче һәм шуннан соңгы нарасые дөньяга килгәндә, 100 мең сум урынына 200 мең сум түләячәкләр.
Нет комментариев