Бүген, 2 март көнне 17:00 сәгатьтә Әлфия Авзалова исемендәге район мәдәният сарае сәхнәсе балаларыбызның шат авазына күмеләчәк, биредә «Йолдызлык – 2026» фестивале кысаларында район балалар бакчаларының гала-концерты узачак.
Бүген Актаныш сәхнәсенә районыбызның иң нәни артистлары — мәктәпкәчә белем бирү учреждениеләре тәрбияләнүчеләре чыгачак. Тамашачыларны матур җырлар, дәртле биюләр һәм зур тырышлык белән әзерләнгән иҗади чыгышлар көтә. Гала-концерт балалар иҗатының, талант һәм илһамның чын бәйрәменә әверелер дигән ышанычта калабыз.
«Йолдызлык» фестивале ел саен сәләтле балаларны, педагогларны һәм ата-аналарны берләштереп, иҗади үсеш, дуслык һәм ярдәм мохиты тудыра.
Фестивальнең дәвамы 3 мартта булачак — иртәгә район мәктәпләре укучылары үз сәләтләрен күрсәтәчәк. Алар төрле иҗади юнәлешләрдә чыгыш ясап, осталыкларын һәм артистлыкларын тәкъдим итәчәкләр.
Концертка рәхим итегез!
Нет комментариев