Актанышта олимпиада призерларын һәм БДИда югары балл җыйган чыгарылыш укучыларын хөрмәтләделәр

Әлеге чара укучыларның күпьеллык тырыш хезмәтен бәяләү, аларны яңа казанышларга рухландыру һәм район мәгарифенең уңышларын күрсәтүче әһәмиятле вакыйгага әйләнде.

                           Ак юл сезгә, чыгарылыш укучылары!

Җитәкчелектән игелекле теләкләр

Район мәгариф идарәсе җитәкчесе Раниза Шакирова сәхнәгә күтәрелеп, укучыларны олы казанышлары белән котлады. Ул яшьләргә киләчәктә дә зур уңышлар, максатларына ирешүдә ныклык теләде.

Олимпиада һәм фән дөньясында кыю адымнар

Сәхнәгә төрле фәннәр буенча югары нәтиҗәләр күрсәткән һәм бәйгеләрдә район данын яклаган иң актив укучылар чакырылды:

• Раяз Әхмәдишин (Актаныш 1нче урта мәктәбе) – республика олимпиадалары призеры;

• Альмир Әхмәтшин (Пучы мәктәбе) – спорт һәм иҗат өлкәсендә үз уңышлары белән танылган укучы;

• Айсылу Мирхәйдәрова (Киров мәктәбе) – күпсанлы фәнни конференцияләр һәм конкурслар җиңүчесе.

Шулай ук укудагы һәм җәмәгать тормышындагы казанышлары өчен түбәндәге укучылар дәрәҗәле бүләкләргә лаек булды:

• Камил Шәмсиев – Пучы мәктәбе;

• Максим Бутаков – Киров мәктәбе;

• Айсылу Гардиева – Хәсән Заманов исемендәге кадет мәктәп-интернаты.

Актанышның чыгарылыш бәйрәме сәхнәсендә: районның иң сәләтле укучылары һәм чемпионнары

БДИда – 90 һәм аннан югары балл!

Бердәм дәүләт имтиханнарында югары баллар җыйган укучылар да бәйрәмнең аерым игътибар үзәгендә булды. Быел имтиханнарда 90 һәм аннан да югарырак балл җыеп, районны сынатмаган алдынгылар:

Йөзек кашларыбыз:

• Лиана Мөхәмәтдинова – сәләтле балалар өчен гуманитар гимназия-интернат;

• Азамат Асхадуллин – сәләтле балалар өчен гуманитар гимназия-интернат;

• Айназ Илдаров – Актаныш 1нче мәктәбе;

• Алсу Нуруллина – Актаныш 1нче мәктәбе;

• Язилә Акмалова – Актаныш 2нче мәктәбе;

• Рәшит Әсәдуллин – Актаныш 2нче мәктәбе;

• Сөмбел Галиева – Актаныш 2нче мәктәбе;

• Ильяр Галимов – Актаныш 2нче мәктәбе;

• Ләйсән Гомәрова – Актаныш 2нче мәктәбе;

• Данияр Латыпов – Актаныш 2нче мәктәбе;

• Эльвина Закирова – Пучы мәктәбе.

Актаныш районының барлык чыгарылыш укучыларына алдагы студентлык тормышында да гел беренче булырга, сайлаган һөнәрләренең чын осталары булып өлгерүләрен телибез!