Бүген Такталачык мәдәният йортында «Тату сыйныф серләре» республика бәйгесенең район туры уза. Такталачык зонасына караган мәктәпләрнең ата-аналар комитеты командалары жюри каршында үзләренең бердәм, белемле, тәрбияле һәм көчле икәнлекләрен күрсәтә.
Бүген Такталачыктагы зона ярышында
Теләкәй, Күҗәкә, Мари Суыксуы, Иске Кормаш, Чалманарат, Татар Суыксуы, Такталачык, Әтәс, Уразай әти-әниләре балалары белән бергә беренчелек өчен көчләрен сыный. 
Иртәгә, 16 гыйнварда Иске Сәфәрдә үтәчәк тагын бер зона бәйгесеннән иң яхшы 6 команда сайлап алынып, алар финалда чыгыш ясаячак.
Финал өлешендә район үзәгенең белем бирү учреждениеләре- Актанышның беренче һәм икенче санлы мәктәпләре, сәләтле балалар өчен гуманитар гимназия-интернат, Советлар Союзы Герое Хәсән Заманов исемендәге кадет мәктәбе ата-аналар комитетлары командалары катнаша.
Әлбәттә инде, җиңүче командага республика турында Актаныш районы данын яклау хокукы биреләчәк.
Нет комментариев