Бу хакта тулырак мәгълүмат алу өчен без ЮХИДИ Актаныш районы буенча профилактика җитәкчесе Ләйсән Мөхәммәтовага шалтыраттык.
— Әлеге профилактик чара булып торган операция 21-30 ноябрь көннәрендә гамәлләштерелә. Беренче тапкыр "каршы як полосага" чыксан 5 мең сум штраф яки 4 айдан 6 айга кадәр йөртү хокукыннан мәхрүм ителү яный. Икенче тапкыр кагыйдәне бозсан 1 елга кадәр йөртү хокукыннан мәхрүм ителәчәк машина йөртүче, дип аңлатмалар кертте Ләйсән Рәдиф кызы.
— Әлеге профилактик гамәлиятнең максаты нинди?
— Операциянең максаты — юл-транспорт һәлакәтләрен профилактикалау, каршы як хәрәкәт полосасына чыгу белән бәйле кагыйдә бозуларны, административ хокук бозуларны кисәтү һәм булдырмау.
Каршы як хәрәкәт өчен билгеләнгән полосага чыгу — автомобиль юлларында фаҗигале нәтиҗәләргә китергән юл-транспорт һәлакәтләренең иң еш очрый торган сәбәбе булып тора.
Нет комментариев