Ләйсән ГАЗИЗОВА автор яңалыклары

19 май 2026
XIII Евразия форумы – 2026: тарихи хәтерне берләштергән очрашу

2026 елның 21 апреленнән 30 апреленә кадәр Беларусь Республикасында XIII Евразия фәнни-төбәк тарихын өйрәнү форумы-2026 уздырылды. Әлеге халыкара чарада райондашыбыз Фәйрүзә Гобәйдуллина да катнашып кайтты һәм үз фикерләре белән уртаклашты.
19 май 2026
Бүген, 19 май – Пионерлар көне

Район балалар хәрәкәте буенча бүлек мөдире Дилбәр Муллаянова белән әңгәмә.
18 май 2026
Авылны ямьләндерәләр

Такталачык авылы мәдәният хезмәткәрләре авылны төзекләндерүдә, аны чиста һәм матур тотуда зур тырышлык куя. Аларның көндәлек хезмәте нәтиҗәсендә авылның йөзе елдан-ел күркәмләнә, яшәү өчен тагын да уңайлырак мохит тудырыла. Бүген дә, эссе кояш астында мәдәният йорты хезмәткәрләре ишегалдындагы үләннәрне чабып, җыештырып куйдылар. Аларның фидакарь хезмәте нәтиҗәсендә территория күзгә күренеп чистарып, тәртипкә китерелде, авылның гомуми күренеше тагын да ямьләнде.
18 май 2026
Такталачык авыл җирлеге: үзара салым – үсеш нигезе

Бүгенге көндә Актаныш районы авыл җирлекләрендә төзекләндерү эшләре актив дәвам итә. Елның иң кызу чорында – көннәр озын һәм аяз торган вакытта үзара салым акчалары хисабына бик күп проектлар тормышка ашырыла. Такталачык авылында, мәсәлән, Гамил Афзал урамы төзекләндерелә, авылның үзәк юлы тигезләп, кулланылган асфальт вагы түшәлә.
15 май 2026
«Каенкай» балалар бакчасы базасында районкүләм «Аҗаган» хәрби-патриотик уены уза

Бүген 6 нчы санлы «Каенкай» балалар бакчасы базасында районкүләм «Аҗаган» хәрби-патриотик уены үткәрелә. Әлеге чара инде өченче ел рәттән оештырыла.
15 май 2026
Чуракайда яшәүче Шәйхәйдәровлар гаиләсе Алтын туйларын лаеклы каршылый

Чуракай авылында яшәүче Шәйхәйдәровлар гаиләсе — Фәрәһия Шәрифҗан кызы белән Илгизәр Шәйхелгали улы — уртак тормышларының 50 еллык юбилеен, алтын туйларын зур шатлык белән каршы алды.
15 май 2026
Алтын туй – гомерлек мәхәббәт символы

Актаныш авылында яшәүче хөрмәтле гаилә – Вәлиуллин Рәдис Шәрифулла улы белән Зифа Хәбибҗан кызы быел үзләренең уртак тормыш юлларына 50 ел тулу – алтын туйларын билгеләп үттеләр. Гаилә көне уңаеннан үткәрелгән тантанада бу матур пар үзләренең никахларын тагын бер кат ныгытып, истәлекле никах кәгазенә имзаларын салды. Бу мизгел – ярты гасыр дәвам иткән мәхәббәтнең, тугрылыкның һәм бер-берсенә терәк булуның ачык дәлиле булды.
14 май 2026
Яшь оста Әмир Фәйдров — «Киләчәккә адым» фестиваленең Гран-при иясе!

Актанышта узган «Киләчәккә адым» балалар техник иҗат фестивале быел да сәләтле, тырыш һәм максатчан укучыларны барлады. Фестивальнең иң югары бүләге — Гран-при — Актанышның 2нче санлы мәктәбенең 7 «В» сыйныфы укучысы Әмир Фәйдровка насыйп булды. Яшь оста үзенең кул эшләренә булган мәхәббәте, тырышлыгы һәм һөнәри күнекмәләре белән жюри әгъзаларын таң калдырды.
14 май 2026
Актанышта “Киләчәккә адым” фестиваленә йомгак ясалды

Бүген Актанышта зур һәм әһәмиятле чара – Актаныш районы башлыгы Ленар Зарипов катнашында “Киләчәккә адым” балалар техник иҗат фестиваленә йомгак ясау тантанасы узды. Фестиваль Әлфия Авзалова исемендәге район мәдәният сарае фойесында укучыларның, студентларның, балалар бакчаларында тәрбияләнүчеләрнең техник иҗат эшләре күргәзмәсе белән ачылды.
14 май 2026
«Киләчәккә адым» фестиваленең әһәмияте нидә?

Актаныш районы мәгариф идарәсе башлыгы Раниза Шакирова белән «Киләчәккә адым» фестиваленең әһәмияте турында сөйләштек.
14 май 2026
Актанышта балалар иҗат итә, аларга юл күрсәтүче укытучылар бар

Актанышка «Киләчәккә адым» балалар техник иҗат фестивале җиңүчеләрен котларга Татарстан Республикасының «Мәктәптән тыш эшләр буенча республика үзәге» дәүләт бюджет өстәмә белем бирү учреждениесеннән методист, техник юнәлеш бүлеге мөдире Алина Макарова килде.
14 май 2026
Татарстанның атказанган артисты Лилия Муллагалиева Актаныш ЗАГСына әти-әнисен бриллиант туйлары белән котларга кайтты

Быел үзләренең 60 еллык гомер юлларын бергә узган Муллагалиев Әбугали Муллагали улы белән Муллагалиева Зинфира Солтан кызы (Зөбәер авылы) — гаилә ныклыгының, сабырлык һәм бер-береңә хөрмәтнең ачык үрнәге. Бүген аларны бәйрәмнәре белән котларга төпчек кызлары - Татарстанның атказанган артисты Лилия Муллагалиева Актаныш районы ЗАГС бүлеге оештырган рәсми тантанага кайтты.
14 май 2026
Актанышта Гаилә көненә багышланган тантанада бриллиант, алтын туйларын каршылаучыларны хөрмәтләделәр

Бүген Актанышның тантаналар залында Гаилә көненә багышланган зур, матур, тирән эчтәлекле һәм тәрбияви әһәмияткә ия бәйрәм узды. Әлеге чара гаилә кыйммәтләрен, тугрылык һәм мәхәббәтне данлауга багышланды, һәм ул барыбызны да җылы хисләргә төреп алды.
13 май 2026
Шатлыклы хәбәр

Актаныш районының Киров исемендәге совхоз поселогы халкы күңелләрне җылытырлык сөенечле хәбәр алды. Шушы авылда туып-үскән махсус хәрби операция зонасында хезмәт итүче Рузил Талипов «Казанышлар өчен» медале белән бүләкләнде.
13 май 2026
Яңа чеби асрый башлаучыларга киңәшләр

Чебиләрне карау башта катлаулы эш кебек тоелырга мөмкин. Әмма төп кагыйдәләрне үтәгәндә, бу процесс шактый җиңеләя. Дөрес тукландыру, тиешле шартлар тудыру һәм даими күзәтү — сәламәт кош үстерүнең нигезе.

❮ Назад Далее ❯