12 нче март көнне “Алтынчәч” балалар бакчасы нәниләре “Яшь мастер” Төбәкара чемпионатының Республика этабында катнашып, “Программалаштыру”, «Ресторан сервисы», «Маляр-декоратор», “3-D дизайн” компетенцияләрендә көч сынашкан иде.
Менә бүген нәтиҗәләр дә билгеле булды:
- “Программалаштыру” компетенциясендэ - Муртазин Әмин һәм Шарипянов Марсель – 3 нче урын;
- "Ресторан сервисы" компетенциясендә- Давлетов Искәндәр “Иң оста өстәл декоры” номинациясендә, "Маляр-декоратор" компетенциясендә Газиева Гузәл “Төсләр патшабикәсе” номинациясендә, “3D-дизайн» компетенциясендә Закирзянов Раяз “ Иң чиста эшләүче “ номинациясендә җиңүчеләр булдылар.
Балалар чемпионатта русча чыгыш ясап, биремнәрне зур җаваплылык тоеп, чын осталарча башкарып чыктылар. Без нәниләребезнең уңышлары белән чиксез горурланабыз.Әлбәттә балаларның уңышлы чыгыш ясавының нигезендә әти-әниләрнең, гаиләнең дә зур тырышлыгы ята. Балаларны, аларның әти-әниләрен, балаларны чемпионатка әзерләгән тәрбиячеләребез остаз –экспертлар Галимова Рима Николай кызын, Басырова Нурия Муллаян кызын, Шайхулова Әминә Галимәрдән кызын, Мухаметшина Инзилә Рәсим кызын һәм техник- экспертлар Насыйрова Гузәлия Рәмис кызын, Фатхулова Гүзәл Айдар кызын, Асылова Дилбәр Мөдәрис кызын, Нуриахметова Айгөл Фәндүс кызын зур җиңүләре белән котлыйбыз, аларга алга таба да зур уңышлар телибез.
Комментарии
Без имени
1
0
Молодцы