“Ихлас гамәл”гә син дә кушыл!

Яхшылыкны башкалар белән бүлеш, үзең кулланмаган чиста-пөхтә кием-салымны яңа ачылган “Ихлас гамәл” үзәгенә китер! Таләп: сәдәф-замоклары урынында һәм төзек булсын. Гамәлгә яраксызны тәкъдим итмә, бер-беребезгә хөрмәт күрсәтик!

Актаныш мөхтәсибәтенең “Ихлас гамәл” мохтаҗларга ярдәм итү үзәге изге Рамазан аенда эшли башлады. Ул Актанышта почта бинасының 3 нче катында 21 нче бүлмәдә урнашкан.

Биредә үзегез кулланмаган өр-яңа яки бик яхшы хәлдәге кием-салым, көнкүреш техникасы кабул ителә. Алар Актанышта һәм авылларыбызда яшәүче ятимнәргә, мескеннәргә, күп балалы гаиләләргә, очын-очка ялгап яшәүче мохтаҗларга биреләчәк. Шулай ук куллану вакыты чыкмаган, яхшы сыйфатлы азык-төлек тә кабул ителә.

Якыннарыгыз, күршеләрегез арасында мохтаҗлыкта яшәүчеләр бар икән, алар турында да хәбәр итәргә була. Иң мөһиме: бер-беребезгә ярдәмләшеп яшик.

Алдан хәбәрләшергә теләсәгез, 8-951-896-96-11 телефонына шалтыратырга мөмкин. Тулырак мәгълүматлар инстаграмбитендә @ihlasgamal, вконтакте төркемендә vk.com/ ihlasgamal. Электрон почта: ihlasgamal@mail.ru

“Ихлас гамәл” хәйриячелек белән шөгыльләнә, мохтаҗларга ярдәм итә, башкаларның хәленә керә, тирә-юньдәгеләргә ваемсыз булмаска чакыра.

Әлеге үзәк мөселман ир-атлар тарафыннан изге Рамазан аенда оештырылды. ИншәАллаһ, киләчәктә дә эшләвен дәвам итәргә ниятли.

Әгәр сез изгелек кылырга, Аллаһы Тәгаләнең рәхмәтенә ирешергә телисез икән, “Ихлас гамәл” үзәгенә рәхим итегез! Шимбә-якшәмбедән кала, һәр көнне 9-15 сәгатьтә килергә мөмкин.