Перчатка, битлек киюдән баш тарткан һәм полициягә буйсынмаган кешене кулга алганнар

(Казан, 20 май, «Татар-информ»). Полицейскийларга буйсынмаган һәм битлек, перчаткалар киеп йөрүдән баш тарткан өчен Татарстан кешесе кулга алынган. Бу хакта «Татар-информ»га ТР буенча Эчке эшләр министрлыгының матбугат хезмәтендә хәбәр иттеләр.

Әлмәттә полицейскийлар җәмәгать урынында саклагыч битлексез булган 30 яшьлек ирне туктаткан. Полицейскийлар ир-атка патруль автомобиленә узарга тәкъдим итә. Тик ул, Эчке эшләр министрлыгы мәгълүматларына караганда, тәртип сакчыларына буйсынудан баш тарткан.

Суд хокук бозучыны өч тәүлеккә кулга алуга хөкем иткән.

https://tatar-inform.tatar/news/society/20-05-2020/perchatka-bitlek-kiyud-n-bash-tartkan-m-politsiyag-buysynmagan-keshene-kulga-algannar-5743995