Актаныш күргәзмәсе югары бәяләнде

Бүген Казанда «Казан» Агросәнәгать паркы базасында «Осталар шәһәре 2024»республика авыл хуҗалыгы продукциясе һәм декоратив-гамәли сәнгать ярминкәсе уза. Анда Татарстанның муниципаль районнары һәм мәгариф оешмалары катнаша.

Актаныш районының экспозиция мәйданчыгында Татарстан Республикасы Премьер-министры урынбасары Ләйлә Фазлыева һәм ТР Мәгариф һәм фән министры Илсур Һадиуллин булды.

Мөхтәрәм кунаклар безнең күргәзмәне югары бәяләделәр һәм Рәхмәт хаты тапшырдылар.