18 марттан 31 мартка кадәр Пучы авылында «Мобиль поликлиника» эшләячәк

Пациентларны кардиолог, эндокринолог, невролог, хирург-онколог, акушер- гинеколог, офтальмолог, уролог кебек тар профильле белгечләр кабул итә. Үз авылыңда, шәһәргә барып тормыйча, мондый тикшеренүләр үтү бик уңайлы. Мөмкинлектән файдаланып барлык якын-тирә авылларында яшәүчеләр дә бара ала.

Узган ел күчмә поликлиникалар Татарстанның 29 районында, 145 торак пунктта хезмәт күрсәттеләр. Барлыгы 31 308 кеше каралган, шуларның 13 754е (43,9%) диспансерлаштыруның икенче этабы барышында. "

Тәгәрмәчле" поликлиниканың эшчәнлеге «Сәламәтлек саклау» милли проектының «Татарстан Республикасында беренчел медицина-санитар ярдәм күрсәтү системасын үстерү» төбәк проекты кысаларында гамәлгә ашырыла.

Актаныш районы мәгълүмат үзәге